اية رأيك لو تكمل حياتك و شغلك فى المانيا ؟ طب اية رأيك ان المانيا دي ممكن تكون نقطة انطلاقك لاي دولة من دول الاتحاد الاوروبي و بالمناسبة صحيح احنا مش منزلين عناوين مكاتب سياحة ولا رقم تليفون دراهم بتاع الفيز المضروبة .. ف ركز كده لاننا هنتكلم عن حملة اطلقتها المانيا اسمها make it in Germany .
اية make it in Germany ؟ دي حملة اطلقتها المانيا من 2013 و بتستقبل فيها المهندسين والاخصائيين و المبرمجين و الاطباء و الممرضيين و الفنيين ( الصنايعية زي ما بنسميهم فى بلدنا ) و كل حد بيشتغل بأيده او عنده مهارة و حرفة ” مش قاعد ف تكييف و لا بتقمع بامية ”
لية ؟ لأن في ال 25 سنة الجايين سوق العمل فى المانيا هيفقد 9 مليون شخص ، وده اللي خلي ألمانيا تطلق الحملة الرسمية دي.
النظام جديد ده اسمه البطاقة الزرقاءBlue Card زي الجرين كارد الأمريكي:
مزاياها انك بتاخد اقامة مفتوحة بعد مضي 3 سنين من شغلك ، ولو متجوز تجيب مراتك ، ولها الحق في فرصة عمل حتي لو مش بتعرف تتكلم ألماني وممكن تكسر الاقامة وترجع بلدك سنة ونصف بدون ما تسقط عنك،ترجع وتشتغل تاني ، وبعد 3 سنين من شغلك،ممكن تشتغل في اي بلد أوروبي تاني ، لأنك ممكن تطلع هناك برضه البطاقة الزرقاء.
الويب سايت ده بتاع make it in Germany عليه كل المعلومات عن وضع سوقالعمل ، والفرص ، والمعاهد اللي بتقدم تدريب ، وخطوات واجراءات السفر"كل شئ ممكن تتخيله من الألف للياء".
طب ده الويب سايت الوحيد؟
لأ.. في 6 مواقع تانية تحتوي بالتفصيل الممل علي كل فرصة عمل موجودة..مهندسين ، مبرمجين ، ممرضات ، ممرضين ، وحتي مربين الأطفال وهي مهنة مطلوبة جدًا هناك..
كمان لو انت مخلص ومعاك بكالريوس ، خش علي الويب سايت ده عشان تعرف ازاي تعادل شهادتك للألمانية..
كل المعلومات عن الفيزا، وشروطها ، واستقدام الزوجة وخلافه ، هتلاقيه علي موقع السفارة الألمانية..
أنا محتاج ايه عشان أوصل هناك؟ :
1- عشان متتصدمش : أكيد لازم تكون شاطر في دراستك طبعًا..لأن المجتمع هناك مفتوح وهيتقتح أكتر بس فقط للمميزين،مش اللي بيدوروا علي فرصة للهجرة وخلاص..
2- تعرف لغة ألمانية ودي مش صغبة و محتاجة منك من سنة الي سنة ونصف لو انت مهتم وبتبذل جهد كبير عشان تاخد شهادة B2 من جوته اللي هتفتح الدنيا أمامك ..
ودى سهله من خلال الموضوع ده: تعلم اللغه الالمانيه فى 3 دقائق يوميا لمده شهرين.
3- ايمانك انك هتوصل وثقتك بنفسك وعدم يأسك مهما سمعت من كلام المحبطين لان كل اللي وصلوا واللي هيوصلوا شكوا في نفسهم وقدراتهم بدل المرة مليون ، وسمعوا كلام محبط من القريب والبعيد بس هما طنشوا ولم يستسلموا ووصلوا ، وناس تانية هتصدق هواجس الفشل وتُحبط من أول كلمة او عثرة ، ودول هيقعدوا هنا يدوروا علي وظيفة بأبخس الأثمان..
4- وطبعًا توفيق ربنا قبل كل شئ
ألمانيا مفتوحة ولسه هتتفتح أكتر وأكتر بحكم شيخوخة المجتمع وزيادة الطلب علي العمالة والتسهيلات ستتضاعف مرات ومرات في السنوات القادمة .. كل المطلوب عمل وأمل .. بس
بالتوفيق
و بالمناسبة الناس اللى حاببة تتعلم ألماني فى موضوع بخصوص تعلم اللغه الالمانيه فى 3 دقائق يوميا لمده شهرين.
# شير فى الخير متعرفش مين حياته ممكن تتغيير بسببك
يُعتبرُ علمُ الكيمياء واحداً من العلومِ الطبيعيّة التي استعملَها الإنسانُ وبحثَ فيها منذُ القدم، وقد كان لهذا العلم في القديم دورٌ كبيرٌ جداً في العديدِ من المجالات التي كانت تَمَسُّ حياةَ الإنسانِ بشكلٍ مباشرٍ وحيويٍّ، وفي يومنا هذا لا زالَ لعلم الكيمياء أهميّته العظيمة في التّقدّمِ الحضاريِّ للدّولِ المختلفةِ
ليست هناك تعليقات:
إرسال تعليق