أزاى تضيف الكورسات اللى درستها Online لل CV ؟؟
فى حالة انك منتظر أجابة على السؤال دة ، فـ مظنش ان فى داعي لـ مقدمة طويلة عن الـ MOOCS و الكورسات الـ Online بشكل عام و أهميتها و التسهيلات و كمية الفرص اللى خلقتها .. لانك أكيد مُدرك دة و خلينا نتكلم عن اللى وصلنا لية بعد عده دراسات و أسئلة كتير لـمسئولين توظيف فى اكتر من شركة .. و شباب اضافوا الكورسات اللى درسوها Online لل CV اثناء التقديم على شغل .
و كانت الأجابة بنسبة 90% تقريباً انك لازم تضيف الكورسات دي لل CV .. لكن انقسموا لـ رأيين :
– الرأي الأول : شايف ان ذكرك للكورسات دي بيضيف لقيمتك و درجتك العلمية و التعليمية .. و ان لو نتيجة ال Interview و الامتحانات ال Technical أكدت الكلام اللى انت كاتبة فى ال CV ف دة هيزود فرصك بشكل كبير جداً.
– الرأي التاني : على الرغم من انه بيؤيد انك تضيف الكورسات دي لل CV .. الا انه شايف انها مش هتضيف ليك قيمة علمية او تعليمية مباشرة .. و لكن هتدي انطباع كويس للشركة انك حد مجتهد و بيطور من نفسه .. و قابل للتعلم و انه هيضيفلك قيمة بس فى حالة ان الشركة طالبين حد Self Educated.
نرجع للأجابة بالتفصيل عن :
أزاى تضيف الكورسات اللى درستها Online لل CV ؟
1- فى حالة انك درست كورس أكاديمي ( من جامعة .. و بيشرحة أستاذ مساعد او باحث ) على منصة زي Coursera او edx فتحت ال Education (او التلعيم فى ال CV ) هتضيف عنوان فرعى اسمه (Online Learning) أو (Open Education) وتضيف تحتية:
أسم الكورس | أسم الجامعة اللى اخدت منها الكورس | ويفضل تضيف وصف مختصر ( سطر واحد او أقل ) لمدة الكورس | و ممكن اسم المحاضر | القيمة و الأضافة اللى طلعت بيها من الكورس.
2- لو كورس غير أكاديمي .. بيشرحة خبير او حد مشهور فى موضوع ما .. زي كورسات Udemy و Lynda و فتحت (Online Learning) أو (Open Education) بردو هتضيف :
أسم الكورس + delivered by و تضيف اسم ال Instructor
هنا الوصف المختصر اساسي .. و الهدف منه انك تشرحلهم ليه المحاضر دة تحديداً و اية القيمة و الأضافة اللى طلعت بيها من الكورس
" # منقول : شكر خاص من فريق الموقع لفريق وادى المشمش "
يُعتبرُ علمُ الكيمياء واحداً من العلومِ الطبيعيّة التي استعملَها الإنسانُ وبحثَ فيها منذُ القدم، وقد كان لهذا العلم في القديم دورٌ كبيرٌ جداً في العديدِ من المجالات التي كانت تَمَسُّ حياةَ الإنسانِ بشكلٍ مباشرٍ وحيويٍّ، وفي يومنا هذا لا زالَ لعلم الكيمياء أهميّته العظيمة في التّقدّمِ الحضاريِّ للدّولِ المختلفةِ
ليست هناك تعليقات:
إرسال تعليق