الفرق بين كليه علوم ذوي الاحتياجات الخاصه ببنى سويف و كليه علوم الاعاقه و التاهبل بالزقازيق:
علوم ذوي الاحتياجات الخاصه بتقوم باعدد اخصائي و معلم في نفس الوقت اى بتخرج معلم اخصائي "علي حسب التخصص الاكاديمي او التربوي" ، علي خلاف علوم الاعاقه و التاهيل اللي بتحدد تخصصك ياما معلم او اخصائي والأقسام بكلية علوم ذوى الإعاقة والتأهيل بالزقازيق هم برنامجين أساسيين ، الأول البرنامج التربوى ويعمل على تخريج معلم متخصص في اللغة العربية وفى اللغة الإنجليزية وفى الدراسات الاجتماعية وفى الرياضيات وفي العلوم .أما برنامج الأخصائي فيعمل على إعداد أخصائى تعديل سلوك و تأهيل فى أحد مسارات التربية الخاصة، وذلك وفقاً الأقسام السبعة التى تتضمنها وهي "الإعاقة الفكرية ، والإعاقة السمعية، والإعاقة البصرية، والإعاقة الجسدية، واضطراب التوحد، واضطرابات اللغة والتواصل، وصعوبات التعلم".
اولا التخصص الاكاديمي:
بدايه من سنه اولي بتختار تخصص واحد من تخصصات التاليه فى واحده من المرحلتين دول ... مرحله التعليم الاساسي الابتدائي (وتقدر تتخصص واحده من دول ... لغه عربيه وانجلش والرياضيات والعلوم وعلوم الحاسب ودراسات ) ومرحله التعليم العام الاعدادي والثانوي (وتقدر تتخصص واحده من دول ... لغه عربيه وانجلش والتاريخ والجغرافيا والرياضيات والفيزياء والكيمياء والبيولجي وعلوم الحاسب) فلو انت كنت علمي فى الثانوي بتقدر تدخل كل التخصصات اللى عدت دى واللى منها مجالات ادبي لكن مينفعش العكس يعني مينفعش اللي كان ادبي يدرس فيزياء أو كيمياء وهكذا.
ثانيا التخصص_الاعاقه:
بدايه من سنه تانيه بتختار تخصص فى مجال الإعاقة وهم:
1- الإعاقة البصريه.
3- الإعاقة السمعيه.
4- اضطراب لتوحد.
5- اضطرابات اللغه والتخاطب.
6- صعوبات التعلم.
7- الموهبة.
ويضاف لهذه الاقسام قسم الأجهزة التعويضيه في برنامج الدراسات العليا من خريجي كليات الطب والهندسه والعلاج الطبيعي والحاسبات والفنون التطبيقيه حيث يهتم هذا القسم بتصنيع واستخدام الوسائل المعنيه لذوي الاحتياجات الخاصه اي ان هذا القسم ليس متاح لطلاب كليه علوم ذوي الاحتياجات وانما متاح لاصحاب الدراسات العليا من الكليات السابقه التي تم ذكرها .
لغه الدراسه بالكليه ايه:
لغه دراسه المواد بكليه هي اللغه العربيه ولكن هناك بعض المقررات الخاصه بالاعاقه سوف يتم تدرسيها باللغه الانجليزيه.
نظام الكليه:
هو نظام الساعه المعتمده وهي محاضره نظريه مدتها ساعه واحده أسبوعيا او جلسه علميه او تدريبيه ميدانيه مدتها ساعتان او ثلاث ساعات أسبوعيا طوال الفصل الدراسي الواحد.
التقديرات بالكليه:
الامتياز بيبدا من 85 -100%
جيدجدا من 75 - 85%
جيد من 65 - 75%
مقبول من 60 - 65%
1- لو ربنا كرمك وشديت حيلك هتتعين ف كليه معيد.
2- مدرس فى تربيه الخاصه على حسب تخصصك الاكاديمي والاعاقه او حتي لو عوز تشتغل بتربيه العاديه ينفع ودي ميزه لانك اصبحت مؤهل مع كل الفئات العاديين والغير عادييين
3- مترجم بلغه الاشاره على القنوات الفضائيه
4- تفتح مركز تخاطب او توحد ده بعد ما تعمل تصريح مزاوله مهنه عشان المركز ميتقلفش وهنا هيكون المسمي الوظيفي ليك اخصائي توحد او تخاطب وهكذا .
5- كمان ممكن تشتغل اختصاصي نفسي للعمل ف مؤسسات مهنيه ومستشيفيات نفسيه مهتمه بذوي الاحتياجات الخاصه
6- انك تشتغل بره مصر خصوصا بدول خليج العربي لانها اكتر دول مهتمه بهذه الفئات.
ملحوظة: بيتكبلك فى بطاقه بعد تخرجك حاصل ع بكالوريوس كليه علوم ذوي الاحتياجات الخاصه وتخصصك ف مجال الاعاقه (تخاطب).
أنصحك بأيه:
نصيحه لوجه الله قبل ما تكتب رغبتك لو هتختار كليه علوم ذوي الاحتياجات الخاصه شوف نفسك هل عندك صبر وتحمل انك تتعامل مع هذه الفئات ولا لا خليك داخل الكليه وانت عندك هدف عايز تحققه مش عشان تنسيق جابك هنا او انك تدخل كليه وخلاص وعلى فكره كليه محتاجه مذاكره وانك تشد حيلك من اول السنه عشان تتفوق فيها ومتدخلش سمر كورس لان الماده اللي هتشيلها بتدفع عليها 200 جنيه وبتمتحنها سمر كورس قبل ما تدخل السنه اللي بعدها لتخفيف من العبئ الدراسي.
- سيتم تنشيط الرسوم الخاصة بالمقابلات الشخصية بعد ذلك وسيتم دفعها على فوري أيضاً.
طب اللي يشيل 3مواد في رابعه ينفع يدخل سمر كورس
ردحذف