طبعا نظرا للفكر المصري العبقري وعلشان احنا حاليا نعتمد على صناعة المصطلحات فقط في هذا العصر يعني بنحب نقول كلام كبير وخلاص ومصطلحات كبيرة على الفاضي وعلى المليان "طبعا دع علشان الناس ماتفهمش حاجة وهو ده المطلوب".
ظهر مصطلح اعتقد انه السبب الرئيسي في تخلف هذه البلد وظهور كل المشاكل النفسية لكل الطبقات الاجتماعية هما صحيح 10 حروف بس أنا شايف "انهم كانوا افتك من 10 قنابل نووية!"
"كليات القمة"
يعني أيه كليات القمة؟
يعني طب وهندسة وصيدلية!
أيه الخيابة دي؟ معنى كدة إن في كليات القاع؟!
مع الأسف الشديد بقى الولد أو البنت من يوم مايتولدوا ، بيتحكم عليها لازم يتشقلبوا ويمشوا على الحيطة علشان يدخلوا كلية من كليات القمة "على حد تعبيرهم" ولو حصل ومحصلش توفيق وممكن يكون زي ما بيحصل كتير (ما يحصلش نصيب على نصف درجة مثلا) يبقى خلاص الولد أو البنت دول ضاع مستقبلهم وتتغير النظرة ليهم لمجرد إنهم دخلوا كلية من كليات القاع "على حد تعبيرهم برضوا"
حاجة تضحك ... صح؟
لأ هي تبكي ... وياما بكت ناس ... وجابت عقد نفسية لناس كتيييييييييرة
للأسف الناس كذبت الكدبة وصدقتها والنتيجة مثلا أن كلية زي علوم أو على سبيل المثال، قليل جدا إلي بيدخلها لرغبته فيها وبالتالي بيبقى رايح مش طايق نفسه ولا الكلية ولا عنده استعداد يعمل أي حاجة وكفاية بقى كمان بصة الأهل إلي كلها حسرة على ابنهم أو بنتهم إلي ضاع مستقبلهم علشان ما دخلوش طب أو هندسة!
مالها حقوق يعني؟ دي كانت كلية قمة القمم كلها في العصر الذهبي لمصر وفي العصر الحديث في أوائل القرن العشرين ... دلوقتي ايه إلي خلاها قاع؟؟
مالها علوم يعني؟ كلية علوم بالتفكير الآدمي العادي مش بالتفكير المصري هنلاقي انها واحدة من قمم القمم (تقدر تقول سيدة الكليات .... أم الكليات ) .
ولكن الفكر عندنا بقى رمة الرمم ووصل لدرجة التعفن فى اي بلد علشان تقوم ويكون فيها نهضة ، أكيد مش لما تكون كلها دكاترة بيمصوا دم الغلابة ولا كلها مهندسين نصابين ولا محاسبين مرتشيين ولا محامين معدومي الضمير ولكن لما يبقى في تباين في كل الوظائف ... لازم يكون في دكاترة ومهندسين ومحامين وقضاة ومحاسبين ومدرسين وفلاحين والأهم علماء !
لازم التعليم يبقى مش بس كليات، لازم تعليم عملى وتطبيقى .
المصطلح ده عمل فجوة في المجتمع وخلي إلي بيدخل كلية قمة "على حد تعبيرهم" أحسن من بيدخل كلية تانية لأن التاني من المفترض أنه فاشل ، ولازم أي حد يشوف من كليات القاع دي "على حد تعبيرهم" بيتخيل انهم قاعدين فاضين مش بيعملوا حاجة !
أنا كدة خلصت الموضوع ولكن في حاجة مش عارف تتقال ولا لأ ، لأن مش كل الناس بتؤمن بنظرية المؤامرة ولكن أنا من المؤمنين بيها "من فترة قريبة" وهنلاقي لما نخلي كلية حقوق إلي خرجت زعماء وثوار كلية ملهاش لازمة يبقى أكيد في مؤامرة ! لما كلية علوم ملهاش لازمة ؛ لازم يكون في مؤامرة ! لما البلد ما يبقاش فيها غير دكاترة ومهندسين بس وياريتهم عادلين ، لازم يبقى في مؤامرة!
انا وانت تفكير واحد الفرق فى مدى الثقافة اللى عندى واللى عندك .. مش عشان انت فى طب وانا علوم تبقى انت اذكى واشطر ... انا بهاجم اى حد يبص على اى كلية مجموعها قليل انها كلية وحشة او اللى فيها مش كويسين وبوجه نداء لكتيييير من الامهات .. ارحمونا مش من واحنا صغيرين تحطوا فى دماغنا اننا يا ندخل كليات بمجاميع عاليه يا نبقى فشلة ، انا بنصح اصدقائي وخاصه شباب الثانويه كل واحد يختار الكليه اللي يحبها ( وشكرا )
هننهى الموضوع بسؤال وعوزيين ردود على صفحتنا على الفيس وبرضو استنوا ردودنا وهو " حد يقدر يقولى مين الأهم عامل الخراطة ولا السواق ولا المهندس؟!"
يُعتبرُ علمُ الكيمياء واحداً من العلومِ الطبيعيّة التي استعملَها الإنسانُ وبحثَ فيها منذُ القدم، وقد كان لهذا العلم في القديم دورٌ كبيرٌ جداً في العديدِ من المجالات التي كانت تَمَسُّ حياةَ الإنسانِ بشكلٍ مباشرٍ وحيويٍّ، وفي يومنا هذا لا زالَ لعلم الكيمياء أهميّته العظيمة في التّقدّمِ الحضاريِّ للدّولِ المختلفةِ
ليست هناك تعليقات:
إرسال تعليق