هنتكلم فى الموضوع ده عن ايه هى الاوراق المطلوبه والمصاريف الاداريه والمقررات الدراسيه لدبلومة الميكربيولوجي جامعة قناة السويس "علوم الاسماعيلية"؟ .
“ياجماعة أنا بطلب من اللي هيقرأ الموضوع وعارف الحاجات دي يحاول يكتب أي نصيحه للطلبة الجدد ولو فى اضافات يكتبها وبالنسبة للطلبة الجدد أسأل وإحنا نجاوب وأنا لقيت إن الموضوع ده مفكك ف كل منتدي أسئلة وإجابات عابرة فقلت ليه محاولش اوضح الدنيا هتمشي إزاي نتيجة أسئله لخريجون فى المجال ده منذ زمن طويل وياريت باقى الدبلومات حد يحاول يعملها ويبعتها لينا على الفيس بوك اوحنا هنزلها على الموقع”
الأوراق المطلوبة للتقديم دبلومة الفسيولوجى والكيمياء الحيوي
للعام الجامعى 2017/2018 :
اصل المؤهل + صوره
صورة بيان الدرجات
٦ صور شخصيه
٣ شهادات ميلاد
٢ صورة بطاقه شخصيه
اصل شهادة الخدمه العسكريه (ذكور)
القسم العلمى التابع له الدبلومة : قسم علم النبات
ملحوظه: بالنسبة للطلاب الذكور أن يكونوا قد أدوا الخدمة العسكرية أو أعفوا منها ولا يقبل الضباط الإحتياط الذين قضوا السنه الإلزاميه الأولى .وفى كل الأحوال إذا تجاوز العدد المتقدم الحد الأقصى المطلوب قبوله حسب طاقة الكليه يرجح التقدير الأعلى من جيد أولا ثم سنة التخرج الأحدث فالذى يلية ثم يؤخذ فى الإعتبار عامل السن كأساس آخر للترجيح فى حالة تساوى التقدير العام وسنة التخرج بحيث يقبل الأصغر سنا .
التقديم:
فى مظروف بداخله استمارات هتشتريه من مكتبة قرطبه اللى جنب قسم الكيمياء ودمغات هتشتريها من الدور الارضى بمبنى الشئون الإدارية وتملى كل الاستمارات فى الشئون أمام الموظفين الموقرين والمحترمين وتسلملهم المظروف بكل اوراقك وتستنى التنسيق.
الحد الادنى للقبول والاقسام والكليات:
1- حد ادنى فى التقدير (جيد) واحتمال كبير جدا يطبقوا فيه النسب.
2- جميع اقسام علوم ماعدا الاقسام التى لم تدرس بيولوجى خلال فترة الدراسه.
هل قسم فيزياء ورياضه وجولوجيا وصيدله وطب بيطرى وطب بشرى وزراعه متاح ليهم الحصول على الدبلومه :
للاسف لا
المصاريف الاداريه:
٢٣٠٠ جنيه ... هتدفعها يوم القبول
يبدأ باب التقديم من ١٥/٨ الى ٣٠/٩
المقرارات الدراسية
1- مقدمة فى البكتريا
2- مقدمة فى الفطريات
3- كيمياء سوائل الجسم
4- طفيليات
5- فيروسات
6- مقدمة فى الكيمياء الحيوية
7- بكتيريا طبية
8- فطريات طبية
9- ميكروبيولوجيا الأغذية
10- مضادات حيوية
11- تحاليل طبية
12- ميكروبيولوجيا تشخيصية
ملحوظة هامة جدا جدا : قديما قالوا إن اسماعيليه اسهل دبلومه وبتاخد شهادتك وانتى ماشى من جنب سور الجامعه للاسف الكلام دا ماطبقش السنة الى فاتت ولا هيتطبق بعد كدا لان الكليه اخدت الاعتماد وظهر تشديد على المناهج والحضور من بعض الدكاتره السنادى فكل المطلوب منك انك تهتم شويتين لو ناوى تقدم وتكمل الطريق للاخر وتحاول تحضر على قدر المستطاع لأنه هيفيدك جدا جدا.
دبلومه ميكرو معتمده فى الاسماعيليه وقنا والمنصوره
مفيش دبلومه ميكرو فى عين شمس
أفضل مكان لنيل الدبلومه من استطلاع للحاصلين على الدبلومه في علوم :
اسكندرية (أشهر دبلومة تحاليل في الجمهورية وبتخرج كل سنة 700 أخصائي)
شبين الكوم ( بدأت تشتهر برضه بتخرج حوالي 700 )
الإسماعيلية ( بتخرج حوالي 1000 أخصائي)
طيب إيه أرخصهم وأسهلهم ؟؟؟
احذر هؤلاء : المنصورة (معقدين أوي ) - عين شمس (صعبه)
تحاشى هؤلاء : اللي بيدخل ما بيطلعش إلا نادرا
شبين (خرجت سنه 2017 من اعتماد وزاره الصحه علشان تاخد التراخيص لان محتواها سئ) - طنطا(البعض بيقولوا صعبة لكن انا بقولك انها سهله لكن محتواها مش عالى)
ارشح لك دول : الزقازيق و الإسماعيلية (سهله) - اسكندرية (كويسه) - بنها ( وأنت واقف).
___________ شوية معلومات _________
ثانيا هتعملى ايه دبلومة الميكرو دى لما اخدها ؟؟؟ يعنى هل دبلومة الميكرو بيولوجى ممكن افتح بيها معمل ؟؟؟؟
طبعا اه .. بس بعد حوارات اسمع ايه هى الحوارات دى :
لازم ثم لازم انك تكون دارس كيميا ف البكاليريوس يعنى + اى حاجه تانى
طاب لو انا مش دارس كيميا اعمل ايه ؟؟؟
فكك من الموضوع ده اصلا واكتفى بانك تشتغل ف معمل او تشارك حد عنده تصريح لو عندك طموح ف حدوتة فتح المعمل
يعنى ايه متعصبنيش مانا درست كيميا كتير ف اولى وتانيه ؟؟؟؟؟
يعنى تعمل معادله و تدرس سنتين تانى كيميا وبعد السنتين لو انت بكالريوسك نبات مثلا هتبقا كيميا ونبات .. ويدينا ويديك طولة العمر
طب لو قولت عادى نستحمل سنتين تانى بس يبقا عندى معمل ؟؟؟؟؟
خلى بالك حتى لو عملت المعادله مع دبلومة الميكروبيولوجى هتاخد ترخيص بالميكروبيولوجى بس.
يعنى ايه معمل ميكروبيولوجى بس دى كمان ؟؟؟؟؟؟؟
يعنى تفتح معمل عشان تعمل فيه اليورن والاستول والسيمن والمزارع وبس ولو جاتلك وزارة الصحه ولقتك بتعمل تحليل سكر مثلا او عندك جهاز كيميا او اى شىء من هذا القبيل هتقفلهولك وش ….
لكن الحل واضح وصريح وهنقول مثال للتوضيح :
لو انت نبات سبيشيال او ميكرو سبيشيال او او اى حاجه مفهاش كيميا وبتعمل دبلومة الميكرو وبتدرس خميره … الخ
اليك الخطوات التاليه :
1. بعد ماتخلص الدبلومة تقدم على معادلة كيميا
2. بعد ماتعمل معادلة الكيميا تعمل كارنيه النقابه عشان يكتبلك اخصائى كدا ف الكارنيه وتحس انك بقيت حاجه
3. بعد ما خلصت معادلة الكيميا اللى هى سنتين وعملت الكارنيه وكله تبدأ تعمل دبلومة بيو .
4. انت كدا ودرست ف الكلية اربع سنين + دبلومة ميكرو سنه + معادلة كيميا بقا سنتين المهم قلنا 4+1+2 = 7 وكمان دبلومة البيو سنه يبقا 8 سنوات.
ولو لسه فيك الروح بقا هترفع القضيه هتكسبها بعد سنه ونص على الاقل يبقا الحساب كام؟
الاجابة 9 سنوات بعدها هتفتح معمل ويبقا مرخص لممارسة البيو والميكرو فقط .
يعنى ايه ؟؟؟؟
يعنى تشتغل فيه كل حاجه خاصه بالتحاليل الطبية ماعدا الباثولوجى (اللى هو زى التحليل السريرى "الامراض يعنى"). 
يُعتبرُ علمُ الكيمياء واحداً من العلومِ الطبيعيّة التي استعملَها الإنسانُ وبحثَ فيها منذُ القدم، وقد كان لهذا العلم في القديم دورٌ كبيرٌ جداً في العديدِ من المجالات التي كانت تَمَسُّ حياةَ الإنسانِ بشكلٍ مباشرٍ وحيويٍّ، وفي يومنا هذا لا زالَ لعلم الكيمياء أهميّته العظيمة في التّقدّمِ الحضاريِّ للدّولِ المختلفةِ
هل ينفع اقدم وانا خريج تربيه عام احياء
ردحذف