ده كل ما يخص دبلومه الكيمياء الحيويه التحليلية "البيو" علوم عين شمس من التقديم والمصاريف والمواد والدراسة والحضور والاقسام ... الخ.
“ياجماعة أنا بطلب من اللي هيقرأ الموضوع وعارف الحاجات دي يحاول يكتب أي نصيحه للطلبة الجدد ولو فى اضافات يكتبها وبالنسبة للطلبة الجدد أسأل وإحنا نجاوب وأنا لقيت إن الموضوع ده مفكك ف كل منتدي أسئلة وإجابات عابرة فقلت ليه محاولش اوضح الدنيا هتمشي إزاي نتيجة أسئله لخريجون فى المجال ده منذ زمن طويل وياريت باقى الدبلومات حد يحاول يعملها ويبعتها لينا على الفيس بوك اوحنا هنزلها على الموقع”
أولا ميعاد التقديم :
التقديم بيفتح فى أخر شهر 8 (26-8) حتى أخر شهر 9 (21-9).
ثانيا الاوراق المطلوبه للتقديم:
1- عدد 2 صوره البطاقه الشخصيه (الرقم القومى) .
2- شهاده الميلاد كمبيوتر " اصل – صورة".
3- شهاده التقدير 4 سنوات (شهادة بيان الدرجات) "أصل – صورة" .
4- عدد 4 صور شخصيه .
5- شهاده التخرج "أصل وصورة".
6- شهادة البكالريوس المؤقته.
7- موافقه جهة العمل او اقرار بعدم العمل.
8- اصل شهادة تأديه الخدمه العسكريه او الاعفاء منها (صوره شهادة التجنيد).
9- عدد 2 ملف بلاستيك.
10- عدد 2 دمغه فئه 1 جنيه
11- عدد 5 دمغات مهن علميه.
ثالثا مصاريف الدبلومة :
مصاريف الدبلومه دبلومه التحاليل الحيويه او البيولوجيا الجزيئيه 2750ج وباقى الدبلومات 2150ج ومصاريف التمهيدى 2500ج + كتاب عملى ب 300ج
عند الرفض لاترد مصاريف الملف واللائحه.
رابعا الاقسام المطلوبة :
الدبلومه لطلبة كيمياء مزدوج (كيمياء حيوى, كيمياء/ميكرو , كيمياء/كيمياحيوى , كيمياء/حيوان , بيوتكنولوجى ) .
بعض الناس بتقول غير متاحة لكيمياء اسبشيل وبعضهم بيقول متاحة.
خامسا هل الدبلومه معتمده: معتمده ومعتمده يعنى معتمده من وزاره الصحه وتقدر تاخد الترخيص من غير قضيه.
سادسا التقدير المقبول: تقدير بيبقى على حسب العدد اللى مقدم وتقديرهم لكن غالبا بيبقى من جيد.
سابعا نظام الدراسة:
الحضور غالبا يومين "السبت والثلاثاء" أو "الاثنين و الثلاثاء" حسب الاختيار العشوائى للاسماء ... النظرى يوم من 8-5 مساءا والعملى بيبدأ من نص شهر 12 وبيبقى 4 ساعات وبيخلص على شهر 5 وبنمتحن فى اخر شهر 5 امتحانين واحد عملى علية 50 درجه وواحد شيت وسيد بنش والعلمى كلة علية 200 درجه منها 50 درجه كوالتى كنترول واحصاء وفى 4 شيتات خلال السنه ب 40 درجه على كل جزء بنلخصه فى العملى وبيضافوا فى الاخر.
ملحوظه : طبعا يشترط حضور العلمى لان علية درجات وليك غياب من 3-4 مرات بحد اقصى ولو تخطيتهم بتمنع من دخول الامتحان.
الامتحان النظرى فى شهر 8 بتاخد مجموعة مواد تخلصها الترم الاول ومجموعه مواد تخلصها الترم الثانى .... نظام الامتحان بيبقى 3 مواد او 4 مواد فى يوم واحد تحت مسمى رقمى وبيبقى الامتحان 3 ساعات.
أولا فى جزء عملى وجزء نظرى ... النظرى بيبتدى على شهر 11 وهو يوم واحد فى الاسبوع "غالبا بيكون السبت من 8-5 مساءا" والمنهج بيتقسم لترمين لكن الامتحان بيبقى اخر السنه غالبا فى شهر 8 .
الامتحان النظرى بيكون
Nucleic acid , protein , immune , micro , hormone , cancer , body fluid , instrument , cancer , enzymatic
ثامنا الحضور:
لازم حضور والدكاتره صعبين شويه لكن هتستفاد كتير
الحضور غالبا يومين.
يُعتبرُ علمُ الكيمياء واحداً من العلومِ الطبيعيّة التي استعملَها الإنسانُ وبحثَ فيها منذُ القدم، وقد كان لهذا العلم في القديم دورٌ كبيرٌ جداً في العديدِ من المجالات التي كانت تَمَسُّ حياةَ الإنسانِ بشكلٍ مباشرٍ وحيويٍّ، وفي يومنا هذا لا زالَ لعلم الكيمياء أهميّته العظيمة في التّقدّمِ الحضاريِّ للدّولِ المختلفةِ
حضرتك انا خريج زراعة ينفع اخود دبلومه الكيمياء الحيويه
ردحذفحضرتك انا خريج زراعه و معايا دبلومه ف البيوتكنولي الحيوية من زراعه عين شمس ينفع هقدم بيها
ردحذفمن فضلك أنا بكالوريوس علوم وتربيه شعبة رياض اطفال ممكن ينفع اقدم للديلومه
ردحذفخريج كيمياء.حيوان جامعه القاهرة ممكن يعمل الدبلومه فعين شمس
ردحذفانا خريج كلية علوم وتربية تعليم أساسي ممكن اعمل دبلومة تحاليل
ردحذفيعنى ادفع المصاريف ولو اترفضت ماخدهاش
ردحذف