ده كل ما يخص دبلومه الكيمياء الحيويه التحليلية "البيو" علوم بنى سويف من التقديم والمصاريف والمواد والدراسة والحضور والاقسام ... الخ.
“ياجماعة أنا بطلب من اللي هيقرأ الموضوع وعارف الحاجات دي يحاول يكتب أي نصيحه للطلبة الجدد ولو فى اضافات يكتبها وبالنسبة للطلبة الجدد أسأل وإحنا نجاوب وأنا لقيت إن الموضوع ده مفكك ف كل منتدي أسئلة وإجابات عابرة فقلت ليه محاولش اوضح الدنيا هتمشي إزاي نتيجة أسئله لخريجون فى المجال ده منذ زمن طويل وياريت باقى الدبلومات حد يحاول يعملها ويبعتها لينا على الفيس بوك اوحنا هنزلها على الموقع”
أولا ميعاد التقديم :
التقديم بيفتح فى أول شهر 8 .
ثانيا الاوراق المطلوبه للتقديم:
1- عدد 2 صوره البطاقه الشخصيه (الرقم القومى) .
2- شهاده الميلاد كمبيوتر " اصل – صورة".
3- شهاده التقدير 4 سنوات (شهادة بيان الدرجات) "أصل – صورة" .
4- عدد 6 صور شخصيه .
5- شهاده التخرج "أصل وصورة".
6- شهادة البكالريوس المؤقته.
7- موافقه جهة العمل او اقرار بعدم العمل.
8- اصل شهادة تأديه الخدمه العسكريه او الاعفاء منها (صوره شهادة التجنيد).
9- عدد 2 ملف بلاستيك.
ثالثا مصاريف الدبلومة :
كانت 5000 جنية فى 2017-2018 .
يا شباب دي دبلومات وشروط جامعه بني سويف وضيف عليها لو هتقدم علي دبلومه كيمياء حيوي هتدفع ٢٢٢٥ جنيه يعني تعمل حسابك في ٢٢٢٥ جنيه وانت رايح ومصاريف الدبلومه كلها ٤٥٠٠.
رابعا الاقسام المطلوبة :
الدبلومه لطلبة كيمياء مزدوج (كيمياء حيوى, كيمياء/ميكرو , كيمياء/نبات , كيمياء/حيوان , كيمياء/حشرات) .
متاحة لكيمياء اسبشيل.
خامسا هل الدبلومه معتمده: معتمده ومعتمده يعنى معتمده من وزاره الصحه وتقدر تاخد الترخيص من غير قضيه.
سادسا التقدير المقبول: تقدير بيبقى على حسب العدد اللى مقدم وتقديرهم لكن غالبا بيبقى من جيد.
سابعا نظام الدراسة:
طيب هما هيراعونا ف الحضور ولا ايه ؟؟
اه هما مش بيلزموا بالحضور اوي ولو دخلت الجيش ممكن متحضرش خالص اصلا بس تعرفهم وتجيبلهم ورق من الجيش يثبت انك في الجيش
الامتحانات كويسه انا سألت واحد امبارح كان مخلص الدبلومه وبيستلم الشهاده قالي امتحاناتها كويسه اوي
الدفع بعد القبول ولا مع التقديم؟
وانت اصلا مجرد ما بتقدم بتتقبل علي طول
اي دا يعني بعرف انا اتقبلت او لا وانا بقدم ؟
اه بتعرف انا قدمت امبارح وسألتهم قولتلهم انا كده قبلت في الدبلومه خلاص قالي اه كده اتقبلت
ثامنا الحضور:
يومين في الاسبوع السبت و الاحد
ومش شرط الحضور
يُعتبرُ علمُ الكيمياء واحداً من العلومِ الطبيعيّة التي استعملَها الإنسانُ وبحثَ فيها منذُ القدم، وقد كان لهذا العلم في القديم دورٌ كبيرٌ جداً في العديدِ من المجالات التي كانت تَمَسُّ حياةَ الإنسانِ بشكلٍ مباشرٍ وحيويٍّ، وفي يومنا هذا لا زالَ لعلم الكيمياء أهميّته العظيمة في التّقدّمِ الحضاريِّ للدّولِ المختلفةِ
ليست هناك تعليقات:
إرسال تعليق