دبلومه الكيمياء الحيويه التحليله علوم الاسكندرية "دبلومة البيو" -علومنجى دوت كوم-

هنتكلم فى الموضوع ده عن ايه هى الاوراق المطلوبه والمصاريف الاداريه والمقررات الدراسيه لدبلومه الكيمياء الحيويه التحليله علوم الاسكندرية ؟ .

أولا ميعاد التقديم :

التقديم فى نص شهر 7 حتى نص شهر 8 (أو فى نص شهر 8) وهما بيعلقوا ورقة علي باب (مكتب الدراسات العليا ف محرم بك) بيبقي مكتوب فيها الورق المطلوب تقديمه).

الدبلومه بتفتح ترم تانى لقسم كيمياءحيوى فقط يعنى ممكن يقدموا فى الترم التانى.

ثانيا الاوراق المطلوبه للتقديم:

1- صوره البطاقه الشخصيه

2- شهاده الميلاد اصل كمبيوتر

3- اصل شهاده التقدير 4 سنوات

4- 4 صور شخصيه

5- اصل الشهاده المؤقته للبكالريوس

6- اصل شهادة تأديه الخدمه العسكريه او الاعفاء منها

7- موافقه جهة العمل او اقرار بعدم العمل.

ثالثا مصاريف الدبلومة "كانت 4500جنية فى 2016" :

1- مصاريف التقديم: 165ج.

2- مصاريف الدبلومة: اول ترم 3532ج – تانى ترم 1052ج – لو فى ترم ثالث هيبقى 1532ج + مصاريف الكتب ..... الفلوس دى بتندفع بعد القبول فى الدبلومه.

أوصل ازاى للكلية لو انا من طنطا , المحلة , البحيرة , القاهرة ... الخ.

انا غالبا بفضل اروح بالقطر عشان انزل محطة مصر ودى اخر محطة فى اسكندرية وامشى خطوتين واكون فى الكلية لان الدراسة فى كلية علوم اللى فى محرم بك بس ده طبعا على حسب المواعيد او ممكن اركب عربية فبنزل فى موقف محرم بك وبنركب مشروع لحد محطة مصر وبنزل عند باب المحطة وبمشى للكلية .

 

رابعا الاقسام المطلوبة :

بتاخد اقسام معينه مش كل الاقسام.

الدبلومه لطلبة كيمياء حيوى فرعى بتبقى لمده سنه ... والدبلومه لطلبة اى قسم تانى "كيمياء مزدوج (كيمياء/ميكرو , كيمياء/نبات , كيمياء/حيوان , كيمياء/حشرات) سنه ونص علشان ليهم ترم تكميلى فى الاول .

متاحه لقسم كيمياء اسبشيل "منفرد" بس هتبقى سنه ونصف.

خامسا هل الدبلومه معتمده: معتمده ومعتمده يعنى معتمده من وزاره الصحه وتقدر تاخد الترخيص من غير قضيه.

سادسا التقدير المقبول: تقدير بيبقى على حسب العدد اللى مقدم وتقديرهم لكن غالبا بيبقى من جيد.

سابعا نظام الدراسة:

الدراسه يقال انها صعبه وده لان دكاترتها صعبين شويه.

الترم الاول "الترم التكميلى" عباره عن 4 مواد

والترم الثانى 5 مواد

والترم الثالث 3 مواد

بحيث يبقوا كل ترم أما 8 ساعات أو 12 ساعه معتمده "ومجموعهم 36 ساعة" .

مواد الترم الاول فى الدبلومة "الترم التانى لو اخدت التكميلى":

1-طرق التحاليل2
2-المسح البيوكيمايئى والملاحظة
3- الخلل الوظيفى فى الغدد الصماء
4- طرق التحاليل المعملية
5-وبنختار مادة من 3 مواد هم
دم ومناعة او تحليل اغذية او مقدمة فى الميكو بيولوجى.

ثامنا الحضور: الحضور يومين فى الاسبوع"يوم نظرى ويوم عملى" ولازم حضور لان الغياب هناك مهم جدا جدا وبيفرق فى تحصيل الدرجات كمان انت لو غبت اكتر من 3 محاضرات لدكتور واحد بتتحرم من دخول الامتحان.

تاسعا رقم مكتب الدراسات العليا : 03/3922918

ملحوظه: منعا للخبطة ( دبلومة التحليلية تبع دبلومات الكيمياء و هي دي اللي موجودة فوق ).... ( لكن دبلومة التحاليل دي تبع قسم كيمياء حيوي وهي 36 ساعة و ليها تقدير معين).

ملحوظه: بالنسبة للناس اللي كانوا علوم طبيعية "كيمياء اسبشيل" ملهمش ياخدوا دبلومة (التحاليل "دبلومه الكيمياء الحيويه التحليله") من اسكندرية و لازم ياخدوها من بره اسكندرية.

ملحوظه: ممنوع حد يسجل دبلومتين ف نفس الوقت.

ملحوظه: لو حد سجل دبلومة معينة و حب ياخد دبلومة تانية بعدها ملهوش انه ياخد الدبلومة التانية من علوم اسكندرية و حيضطر ياخدها من بره اسكندرية ........ والدبلومات للكيمياء بتاخد من تقدير مقبول يعني متاحة للكل.

ملحوظه: الترم التكميلي يا دكتوره غير المعادله والترم التكميلي لكل الاقسام ماعدا قسم الكمياالحيوى ودى موجودة في علوم اسكندريه بس اما المعادله فهى للاقسام الخاصه بسزى ميكرو سبشيل وحيوان سبيشيل ونبات سبيشيل عشان يبقو كميائيين ويصبحوا قسم كميا وميكرووكميا وحيوان وكميا ونبات وبالتالي يقدرو يفتحوا معمل تحاليل

ده لينك فيه اللايحة الخاصة بالدراسات العليا.