تعرف ان انت كطالب او دكتور او معيد في اي جامعه.. في جيبك حوالي 5000$ و انت مضيعهم في الهوا و عمرك ما فكرت تسأل عنهم ولا تاخدهم في حاجه اسمها الإيميل الجامعي و ده بالظبط زي الكارنيه الجامعي بتاعك بس علي النت هى دى ال 5000$.
طب و ده ايه فايدته؟
في شركات كتير جدا بتقدم خدمات لكل طلبة العالم .. تقدر انت كمان تعمل Account علي الموقع بتاعهم وتستفيد انت كمان.
تعمل الإيميل الجامعي ده ازاي؟
في كل كلية وحدة Information Technology (IT) .. ممكن تدور عليه في كليتك ,تدخل وتقولهم عايز اخد الإيميل بتاعي .. هيدوك Application تملاه .. و تدفع 5 جنيه مثلاً (وممكن متدفعش حاجه) .. و تيجي تاني يوم تاخد الأيميل بتاعك او في نفس اليوم لو مفيش ضغط وفى كتيير من الكليات بتكتبلك ايميلك على الكرنيه الجامعى بتاعك.
ملحوظه : بس عندنا احنا في كليتنا (علوم طنطا) مافيش اي فلوس بتدفعها والإيميل بتاعنا بالفعل معمول لكل اللي موجودين في الكليه على الكرنيه.
طب إيه الفرق بين إيميل Google - Yahoo - Hotmail وبين الإيميل الجامعي:
ان ده بيبقي شكله كده yourname@science.tanta.edu.eg الscience.tanta.edu.eg ده الـDomain بتاع كليه العلوم جامعة طنطا.
أو بيبقي شكله كده yourname@m-eng.helwan.edu.eg الm-eng.helwan.edu.eg ده الـDomain بتاع كليات جامعة حلوان.
عشان تقدر تفتح الايميل الجامعي استخدم الـLink ده.
تقدر تحمل كل منتجات شركة Microsoft.. سواء Windows - Office و منتجات انت مسمعتش عنها حاجة .. المنتجات دي بيوصل عددها لاكتر من 150 منتج.. كل ده مجاناً ليك انت كحامل للإيميل الجامعي.
تقدر تحملهم من هنا.
بس الاول متنساش تعمل Student Account .. عن طريق انك بتـLog in بأي ايميل بتاع شركة Microsoft .. ده اللي هو اية؟اللي هو الـHotmail - Outlook - Windows Live .. المهم انه بتاع Microsoft.. ومتنساش تعمل Verification من الإيميل نفسه وبكدة تقدر تحمل كل حاجة متاحة في الـSoftware Catalog.
سيبك بقي من Microsoft.. خلينا في Autodesk اشهر من نار على علم طبعا و اكتر ناس هتبقي عارفاها خاصه مهندسين والعلماء.
بتقدم برامج زي
(Maya - 3D Max - Inventor Professional - Autocad)
(Maya - 3D Max - Inventor Professional - Autocad)
تقدر تحملهم من هنا.
طب سيبك بقي من Microsoft و Autodesk و خلينا في شركة JetBrains الشركة دي بقي هتفيدك جدا لو انت مبرمج .. و ما اكثر المبرمجين سواء عندنا في الكلية او فى كليه حاسبات ومعلومات الشركة دي بتقدم منتجات و ادوات بأكثر من 300$ لو انت مش معاك الأيميل الجامعي ده لكن تخيل انك لو عملته هتقدر تاخدها ببلاش.
تقدر تحملهم من هنا.
تعالي بقي لشركة Adobe .. تقدر تحصل على برامجها الأصلية من غير ما تقعد تحمل الكراك.. و ينتهي وتفضل تجدد فيه و الكلام ده و خصومات تصل الى 70% - 60%.
طب تعرف شركة Amazon.com ايوة هي بتاعة البيع و الشرا دي .. بتقدم خدمات مفيش حد فكر انه يعرف عنها حاجة! و برده للطالب اللي معاه ايميل جامعي.
دي بقي تعتبر اقوي قائمة برامج و أدوات مجانية من GitHub.
هتشوف حاجات لا سمعت عنها واول مرة في حياتك تشوفها.. قيمة البرامج علي الموقع ده بس تقريبا اكتر من 1500$ سنويا .. كل اللي عليك تخش بالايميل الجامعي بتاعك وتقدر تنزل اللي انت محتاجه في الوقت الحالي.
تقدر تحملهم من هنا.
نيجي بقي لبرنامج يعتبر مفيد لينا كلنا وهو RipTiger هو برنامج سهل جداً في استخدامه يقوم تلقائيا بتحميل اي فيديو بتشوفه علي الـBrowser بتاعك واي مواد متعلقه بالفيديو.
تقدر تحمله من هنا.
في ناس اكيد مهتمه يكون عندها موقع خاص بيها وهنا يجي دور WestHost للطلبه وده بقي بيقدملك سنة كاملة استضافة مجانيه تقدر تستفيد بيها في اي وقت.
كل التفاصيل من هنا. http://adf.ly/1hzN8v
طيب تعرف Prezi عملاق عمل الـPresentations بشكل مبدع و جذاب بيلفتك من اول مرة طب تخيل انك تقدر تمتلك البرنامج الأصلي من خلال الإيميل الجامعي.
من هنا. http://adf.ly/1hzNER
ايميل الجامعة معتمد علي مستوي الجامعات يعني ممكن تسجل على اي موقع جامعة وتقدر تتعلم اون لاين وكمان تقدر تقدم على اى منحة من عليه تقدر تدور عليها علي Google براحتك.
اهم موقع انا شايفه من وجهة نظري ويعتبر من اكبر المكاسب بتاعتنا كطلبه وهو Research Gate .. دة موقع عامل زي LinkedIn كدة بس للباحثين بس ومش بيسمح لك تسجل فيه إلا بإيميل الجامعة وكله علم بس .. الموقع بيتيح لك التواصل مع باحثين في جميع التخصصات من جميع أنحاء العالم.. وإنك تسأل أسئلة في أي مجال وهتلاقي اللي يرد عليك من أي مكان في العالم في نفس تخصصك ودة غير إن الـAccount عليه يعتبر كأنه C.V لك .. وبياخد Grade على حسب أبحاثك ونشاطك في وضع إجابات مفيدة لأسئلة غيرك. http://adf.ly/1hzNOF
*ملحوظة*
لو خريج فهو خلاص كده انتهى و مش هينفع يتجدد الا لو بتعمل دراسات عليا او دبلومة مثلآ عشان تبقى طالب تانى
بالنسبة للpassword لو نسيته روح وحدة ال IT فى كليتك هيغيرولك ال password
فى النهايه ده فيديو توضيحى لكيفية استخدام خدمه Google Scholar
يُعتبرُ علمُ الكيمياء واحداً من العلومِ الطبيعيّة التي استعملَها الإنسانُ وبحثَ فيها منذُ القدم، وقد كان لهذا العلم في القديم دورٌ كبيرٌ جداً في العديدِ من المجالات التي كانت تَمَسُّ حياةَ الإنسانِ بشكلٍ مباشرٍ وحيويٍّ، وفي يومنا هذا لا زالَ لعلم الكيمياء أهميّته العظيمة في التّقدّمِ الحضاريِّ للدّولِ المختلفةِ
ليست هناك تعليقات:
إرسال تعليق