هو الموضوع طويل اوى وترددت انى اكتبه ولا لا بس لقيت ان ممكن اكتبه لعل طالب واحد يستفاد منه فمستقبلك المهني والوظيفي يتحددبناء على تخصصك الجامعي خاصة إذا كنت تنوي العمل في نفس مجالك بعد التخرج لذلك يجب ألا تتسرع في اختيار تخصصك في الجامعة دون أن تمنح نفسك وقتا كافيا للتفكيرفبالنسبه لتشعيب الاقسام وهى اللحظه اللى بتسال فيها عن مستقبلك ؟وهتشتغل ايه؟؟ وبتلاقى كلام فيه احباط زى مفيش شغل او اخرك ميديكال او هتبقى سواق او هتلم الاجره واحتمال مش تلاقيها . او تلاقى كلام فيه انك هتكون حاجه تشرف فعلا زى تحضير مصل او فى وزارة صحه او تحاليل او ادلة جنائيه الخ ..
طيب ايه هى حقيقة سوق العمل :
انا ليا ملحوظتين شوفتهم فى طلبه كلية العلوم بمختلف المحافظات وقدرت استنتج ان مشكلة طالب علوم أولا الحقيقيه هى ان هو اللى محقر من مستقبله ومقلل من نفسه ...طيب ازاى انت بتقلل من شانك وعايز المجتمع يعلى من شأنك .
ثانيا ودى نصيحه لا تعمم نظرية الفشل اذا رايت نمودج فاشل امامك ولا تعمم نظرية النجاح اذا رأيت نمودج ناجح امامك فكن انت كما انت . بمعنى اكيد لما هتنزل قهوه الميديكال هتلاقى خريجين علوم اللى فى الميديكال ولو روحت مستشفىالاورمان هتلاقى خريجين علوم ولو روحت النيابه هتلاقى خريجين علوم لو روحت وزراة البيئه هتلاقى خريجين علوم ولو شركات بترول هتلاقى خريجين علوم مع ان ليا تعليق على البترول دى . بمعنى اصح فيه نماذج ناجحه اوى وفى اماكن كويسه زى خبير فى النيابه فى معامل بحثيه فى الوزرات المختلفه زى تحضير مصل او زراعة كائن دقيق زى بكتيريا او طحلب لدراسة اثر علاج مثلا عليه او لعمل مهمه بيه ولاحظ الفرق بين انك تكون ميديكال انك تكون عاطل (أظن الفرق شاسع) .. لو هتفرض ان كل دول اتعينوا وسطه فهو اكيد مش كلهم ولو هتنكر دا يبقى انت بتقول لنفسك ماتسعيش ورا الحاجات دى لحد اما هتلاقى حد تانى سعى ووجد الفرصه لنفسه ..
متقللش من مستقبلك وخلى عندك ثقه فى نفسك وان مكنش سعيك فى مصر هيجيب نتيجه اكيد هيجيب برا مصر بس لازم تكون مؤهل لدا
طب إزاى تكون مؤهل لدا : دا سلسله من مواضيع تانيه كبيره احنا متكلميين عنه ( لكن يمكنك معرفه ازاى من خلال هذه الروابط : رابط1– رابط2 – رابط3 – رابط4 – رابط5 – رابط6 – رابط7 – رابط8 ) وانا مش عايز ابعد الحقيقه عن التشعيب اللى طلبه كتير دخلت وقالت اكتب لينا عن التشعيب رأيك ايه فيه
أ) مبدئيا التشعيب كلامى عنه للطالب التايه اللى مش عارف هو هيعمل ايه ؟؟ الطالب اللى حابب مجال معيين او عارف هو نفسه يشتغل فى ايه ودا مش هيتم الا بقسم كذا حتى لو كان اقل قسم يدخل فيه بمعنى اللى انت بتحبه كمل فيه هتنجح فيه بسبب حبك ليه يعنى شرط النجاح فى اى مجال هو حب المجال .
ب) طب نيجى للطالب التايه ... مبدئيا بيولوجى نتكلم باختصار عن الاقسام المزدوجه والاقسام المنفرده
1- الاقسام المزدوجه ظهرت فى الكليه اكيد علشان تساعد خريج العلوم البيولوجيه على فرص عمل اكثر حيث بضيف للخريج قسم الكيميا / لأى قسم اخر . ودا ظهر بعد طلبات من خريجين علوم كانوا اقسام منفرده وحبوا يحضروا دبلومات لكن منفعش لان مش معاهم كيميا بالرغم ان فى الاقسام المنفرده بتدرس كيميا الا ان مش بيتكتب ليهم انوهم خريجى كيميا / وأى قسم اخر ... عكس الاقسام المزدوجه بيدرس كيميا كتير وبتكتب ليه انوا خريج قسم كيميا / وأى قسم اخر .. ( معظم الناس بتتكلم عن الدبلومات المتاحه ... طبعا الدبلومه بتكون فى مصلحتك ومصلحة الكليه لان الدبلومه بتتيح ليك فرصة عمل فى مجالات اوسع زى مثلا دبلومة الطب الشرعى أو التحاليل أو دبلومة كيميا التغذيه أو دبلومة فيزيا الغلاف الجوى والمناخ أو دبلومه القياسات الضوئيه أو دبلومه الحشرات الطبيه أو دبلومات كتيره اوى زى دبلومة جيولوجيا البترول أو دبلومة جيولوجيا التعدين أو كيميا المناعه أو كيميا الانسجه وكيميا المضادات الحيويه وكيميا السموم وكيميا الهرمونات وكيميا الدم وسوائل الجسم وأكيد بيكون لكل دبلومه شروط معيينه مثلا انك تكون كيميا او مثلا فيه دبلومات بتقديرات معيينه يعنى شروط الدبلومات على حسب جهة تعيينها ... باختصار الاقسام المزدوجه اكيد بيكون ليها فرص اكتر من المنفرده كدبلومات او فرص فى مجالات اوسع .. بما ان الكيميا مشتركه فى الاقسام المزدوجه
هتكلم باختصار شديد عن الاقسام اللى بتكون مع الكيمياء: نبدأ بالميكروبيولوجى ... وده وظيفته في التعرف علي انواع البكتريا والفطريات والفيروسات في كل حته في الجسم عن طريق المزارع او الكيمياء او عن طريق البيولوجيا الجزيئيه او عن طريق المناعه وايضا يختص بالمناعه و يقوم بعمل التحاليل المناعيه المختلفه وفيه وظائف تانيه كتير اوى .. ثانيا قسم النباتيشتغل في مجال النباتات الطبيه واستخدامها في الادويه كمان ممكن يشتغل في مجال زراعه الانسجه والهندسه الوراثيه وفيه مجالات اخرى ... ثالثا قسم الحيواندرس كل ما يتعلق بالمملكه الحيوانيه وعلي رأسها الانسان فيدرس الفسيولوجى اي علم وظائف الاعضاء والامبريولوجى اي علم الاجنه والهيماتولوجى اي علم امراض الدم والسيريولوجى اي علم المناعه والاناتومى اي علم التشريح والباراسيتولوجى اي علم الطفيليات والشغل ممكن يشتغل في التحاليل الطبيه اذا حضر دراسات عليا في الطفيليات او في الهيماتولوجى اي امراض الدم وممكن يشتغل في اطفال الانابيب اذا حضر دراسات عليا في علم الاجنه وممكن يشتغل في اي مركز من مراكز البحوث المختلفه وفي مجال حماية البيئه وفي الادويه والامصال وفي مجال علوم البحار والثروة السمكيه وفي وزارات المياه والزراعة والصحة ووظايف اخرى وممكن فى الادله الجنائيه
وظائف الكيمياء بيتلخص الشغل فيها وهى من الابره للصاروخ
يعنى دلوقتى بوجود كيميا فى القسم المزدوج رأيى الشخصى ان الفرق بين كيميا كيميا حيوى وكيميا حشرات للامانه مش كبير اوى .. على الرغم ان فى الكليات دلوقتى كيميا كيميا حيوى تليها كيميا ميكروبيولوجى ثم كيميا حيوان ثم كيميا نبات ثم كيميا حشرات تبعا للتقديرات.
الاقسام المزدوجه دول ليهم فرص كتير اوى مش يجيلك احباط انك مش هتلحق كيميا كيميا حيوى او كيميا ميكرو كل واحد ليه مجال مختلف عن التانى زى ما انا موضح مفيش فرق بين قسم عالى وقسم قليل كله بيتطلب فى سوق العمل بس فيه قسم ليه فرص اكتر وقسم ليه فرص اقل شويه ومتنساش برضو كله خاضع للعرض والطلب يعنى القسم اللى ليه فرص اكتر برضو فى شريحه كبيره اوى بتقدم فيه .... شوف انت بتحب ايه وكمل فيه او مجال شغل ايه وكمل فيه المجالات اللى فوق دى ما هى اللى تعريف الاقسام وبعض الوظائف لكن الوظائف والدبلومات اكبر من كدا بكتيييييييير
مميزات التخصص المنفرد (Special Degree)
أكثر إلماماً بمادة تخصصه عن التخصص المزودج
يدرس كورسات فرعية أكثر تفصيلاً (أغلبها كورسات أكاديمية بحتة!)
مطلوب في سوق العمل
مميزات التخصص المزدوج (Double Major)
يُدرك القواعد والمبادئ اللأساسية في كل تخصص
له فرص مُتنوعة في سوق العمل؛ فإذا لم يحالفه الحظ في إيجاد وظيفة مُناسبة في التخصص الأول فسوف يتجه إلى الثاني.
ما هو أعلى قسم فى كلية العلوم أو ما هو أفضل تخصص في كلية العلوم؟
إجابة هذا السؤال تخضع لعوامل عديدة منها مثلاً إتاحة تخصصات في جامعات معينة وعدم إتاحتها في جامعات أخرى كما أن الموضوع نسبي وقد يختلف من شخص لآخر، كما أننا ننصح دائماً باختيار التخصص الذوي سوف تتفوق في دراسته. بشكل عام أفضلهم من حيث الانتشار في سوق العمل هو مجال الكيمياء يليه مجالات البيولوجي، الجيولوجيا يليهم مجالات الفيزياء والرياضيات.
وكما ذكرنا سابقاً فإن بعض الجامعات تشترط تقديرات محددة في العام الدراسي الأول للإلتحاق بأية برامج تخصصية في السنوات الدراسية التالية كما يوجد لبعض التخصصات مصاريف إضافية مختلفة عن مصاريف الدراسة بالجامعة.
ماذا عن الأقسام والتخصصات ذات المصاريف الإضافية مثل قسم علوم البترول على سبيل المثال؟
تتجه بعض كليات العلوم لإنشاء برامج تخصصية يلتحق بها الطلاب منذ العام الدراسي الأول برسوم دراسية مرتفعة تختلف عن مصروفات الدراسة بالجامعة مثل برنامج علوم البترول الموجود بكلية العلوم جامعة القاهرة؛ وأحياناً ما تكون تلك البرامج مجرد وهم كبير لخداع الطلاب وإقناعهم بأن شركات البترول مثل شلمبرجير، شل، هاليبرتون وغيرها سوف تفتح ذراعيها لاستقبال هؤلاء الطلاب بعد التخرج وهذا ما لايحدث على أرض الواقع!
فيجد الطلاب أنفسهم قد وقعوا فريسة سهلة لعناوين دراسية برّاقة حيث تم إقناعهم بأنهم يدرسون مقررات وكورسات لا تُتاح للطالب العادي بقسم الجيولوجيا أو الجيوفيزياء في حين أن نسبة كبيرة من العاملين في مجال البترول هم في الأساس جيولوجيين أو جيوفيزيائيين ولم يلتحقوا بمثل هذه البرامج! نصيحة شخصية قم بتوفير المصاريف الباهظة التي سوف تدفعها في هذه البرامج الدراسية من أجل تطوير مهاراتك في الكمبيوتر أو اللغات!
دول شويه نصائح احرص على تنفيذها:
اولا تجنب هذه الأخطاء
اتباع الشائع
غالبا ما يكون في كل كلية قسم معين يقبل عليه الكثير من الطلاب، ويتخذ البعض قراره بناء على اتباع ما هو شائع فقط بدلا من التركيز على اهتماماتهم الشخصية، لأنهم يعتبرون التخصص الأكثرشعبية بين الطلاب هو التخصص الأسهل أو الأفضل.
إلا أن اختيار التخصص على هذا الأساس لن يُمكنك من تحقيق التفوق في مجالك سواء في حياتك الدراسية أو المهنية.
التفكير في الناحية المادية
من المهم أن تفكر في مجالات العمل المتاحة لكل قسم، لكن الخطأ الذي يجب تجنبه هو التفكير فيها من الناحية المادية فقط، فما فائدة الالتحاق بتخصص يؤدي لوظائف رواتبها عالية، إلا أنها نادرةوغير مطلوبة في سوق العمل بدرجة كبيرة، أو أن طبيعتها لا تتناسب مع قدراتك وأهدافك.
ولكي تصل إلى القرار الصحيح يجب أن تُجيب على مجموعة من الأسئلة، هي: ماذا أريد أن أكون؟ وما هي المهنة التي يمكن أن أقضي فيها حياتي؟ وما هي أقرب المهن التي تحقق ذلك؟ وهل هذه المهنة تتفقمع ميولي ومهاراتي؟، وبناء على إجاباتك ابدأ البحث عن التخصص الجامعي الذي يقودك إلى هذه المهنة.
تقليد الأصدقاء
من الأخطاء الشائعة التي يقع فيها الكثير من الطلاب هو تقليد أصدقائهم، فالبعض يقرر الإلتحاق بتخصص معين لمجرد إلتحاق أصدقائهم المقربين به حتى إن كانوا يجدون صعوبة فيه. وإذا وقعت فيهذا الخطأ، فربما تتعثر في دراستك، أو تضطر للتحويل لقسم أخر، وذلك لأن اهتماماتك ومستواك الدراسي يختلف عن أصدقائك.
لذلك لا تجعل قرار أصدقائك بالإلتحاق بقسم معين يؤثر عليك، بل يجب أن تفكر في مصالحك الخاصة ومستقبلك وتتخذ القرار على هذا الأساس.
عدم التفكير في جميع الخيارات
لا تحسم قرارك باختيار تخصص ما قبل أن تفكر جيدا في جميع البدائل الأخرى، فإذا كانت كليتك تتضمن عشرات التخصصات، فلا تستبعد بعضها لمجرد أنك لا تعرف عنها شيئا، بل ابحث عنها جميعا واقرأحولها، فمن الممكن أن تكتشف أنها تتناسب مع اهتماماتك وأهدافك أكثر من التخصص الذي كنت ترغب في الإلتحاق به.
آراء الأخرين
لا تتأثر بحديث الآخرين عن تخصص بعينه سلبا أو إيجابا، فقد ينجحون أو يفشلون فيه وفقا لميولهم وقدراتهم التي تختلف عنك تماما، فمن المفيد أن تسفيد من خبرات السابقين، ولكن من الخطأ أنتجعلها المعيار الوحيد لإتخاذ القرار وتجاهل الكثير من المعايير الهامة الأخرى التي أوضحناها من قبل.
ثانيا اتبع هذه النصائح
ربنا يوفقكم يارب ( متنساش مش تقلل من نفسك) بصلى هنا مش بكلمك مش تقلق من نفسك ... مستنيين تعليقاتكم فى الاسفل او على صفحتنا على الفيس بوك.
يُعتبرُ علمُ الكيمياء واحداً من العلومِ الطبيعيّة التي استعملَها الإنسانُ وبحثَ فيها منذُ القدم، وقد كان لهذا العلم في القديم دورٌ كبيرٌ جداً في العديدِ من المجالات التي كانت تَمَسُّ حياةَ الإنسانِ بشكلٍ مباشرٍ وحيويٍّ، وفي يومنا هذا لا زالَ لعلم الكيمياء أهميّته العظيمة في التّقدّمِ الحضاريِّ للدّولِ المختلفةِ
ليست هناك تعليقات:
إرسال تعليق