أندهشت و لا لسه الكيان الصهيوني اللى عمره ميتجاوزش ال 70 سنة قدر يحقق دة كله و اللى بيمثل 1% من الحقيقة .. اللى بتتمثل فى طفرة اقتصادية هائلة نتيجة للمشاريعة الناشئة و اللى استحقت عليها لقب ” Startup nation | آمة المشاريع الناشئة ” .. باكتر من 4800 شركة ناشئة و 250 شركة جديدة بيتم انشائها سنوياً .. و اكبر تجمع لشركات تقنية فى العالم ” فى مكان واحد ” بعد Silicon valley و اكتر من 70 شركة منها مدرجة فى البورصة الامريكية NASDAQ ” اكبر عدد شركات عالمياً ”
بالتأكيد الكلام اللى فات مش ترويج و لا اعجاب بانجازات الكيان الصهيوني “اسرائيل” !! .. الكلام اللى فات محاولة لمعرفة الاسباب اللى وصلتهم لكدة .. و الاستفادة منها و تطبيقها .. الاسباب اللى لو استبعدنا منها .. الامور السياسية و الاقتصادية .. هيتبقي لنا ” التعليم ” و ” البحث العلمي والتكنولوجيا ” و اللى بيتصرف عليه 5% من الناتج القومي ” اعلى نسبة فى العالم !”
و اللى نتايجة ظهرت ف :
اكبر معدل للباحثين و العلماء التقنيين فى العالم موجودين فى اسرائيل بمعدل 145 مقابل كل 10 الاف نسمة .. اعلى من اليابان و امريكا بمعدلات 85 و 83 من كل 10 الاف نسمة وكمان 7 جامعات اسرائيلية فى قائمة افضل 500 جامعة فى العالم و 3 منها فى قائمة افضل 100 جامعة فى العالم ، وواحدة من الجامعات دي ” Technion – Israel Institute of Technology ” و اللى بتقدم حالياً كورس Online على منصة Coursera .. اسمه ” From Idea to Startup ” .. ” من مجرد فكرة .. لشركة ناشئة ” و اللى الهدف منه تحويل الفكرة اللى ف راسك لخدمة و منتج حقيقين بتقوم عليهم شركة تكبر و تحقق ارباح من خلال استراتيجات و ادوات ابداعية بجانب مهارات التواصل و البيع ..
الكورس :
فعلياً أترددنا كتير قبل ما نشارككم بيه .. لكن الحقايق اللى فوق كانت كفيلة انها تنهي مرحلة التردد .. خاصة و اننا بنقابل عكسها فى مجتمعنا .. و اللى هدفنا الرئيسي فى ” علومنجى دوت كوم ” بيتمثل فى تقديم حلول ليها .. و اللى هيكون المرة دي بالاستفادة من العدو و طريقة تفكيرة و الاسباب اللى وصلته للنجاح دة ” زي ماهو قاعد بيدرسنا طول الوقت !! ”
للتوضيح الكورس من اكثر الكورسات تقييماً فى مجال ال Entrepreneurship و الـ Startups .. الكورس بال English .. ومترجم بال English ” Subtitles ” تسهل الفهم للى مستواهم فى ال English كأستماع و فهم نص نص .
# شير فى الخير متعرفش مين حياته ممكن تتغيير بسببك
" شكر خاص من فريق الموقع لفريق وادى المشمش "
يُعتبرُ علمُ الكيمياء واحداً من العلومِ الطبيعيّة التي استعملَها الإنسانُ وبحثَ فيها منذُ القدم، وقد كان لهذا العلم في القديم دورٌ كبيرٌ جداً في العديدِ من المجالات التي كانت تَمَسُّ حياةَ الإنسانِ بشكلٍ مباشرٍ وحيويٍّ، وفي يومنا هذا لا زالَ لعلم الكيمياء أهميّته العظيمة في التّقدّمِ الحضاريِّ للدّولِ المختلفةِ
ليست هناك تعليقات:
إرسال تعليق