ده كل ما يخص دبلومه الكيمياء الحيويه التحليلية "البيو" علوم المنصوره من التقديم والمصاريف والمواد والدراسة والحضور والاقسام ... الخ.
“ياجماعة أنا بطلب من اللي هيقرأ الموضوع وعارف الحاجات دي يحاول يكتب أي نصيحه للطلبة الجدد ولو فى اضافات يكتبها وبالنسبة للطلبة الجدد أسأل وإحنا نجاوب وأنا لقيت إن الموضوع ده مفكك ف كل منتدي أسئلة وإجابات عابرة فقلت ليه محاولش اوضح الدنيا هتمشي إزاي نتيجة أسئله لخريجون فى المجال ده منذ زمن طويل وياريت باقى الدبلومات حد يحاول يعملها ويبعتها لينا على الفيس بوك اوحنا هنزلها على الموقع”
أولا ميعاد التقديم :
التقديم بيفتح فى أول شهر 8 .
ثانيا الاوراق المطلوبه للتقديم:
1- عدد 2 صوره البطاقه الشخصيه (الرقم القومى) .
2- شهاده الميلاد كمبيوتر " اصل – صورة".
3- شهاده التقدير 4 سنوات (شهادة بيان الدرجات) "أصل – صورة" .
4- عدد 6 صور شخصيه .
5- شهاده التخرج "أصل وصورة".
6- شهادة البكالريوس المؤقته.
7- موافقه جهة العمل او اقرار بعدم العمل.
8- اصل شهادة تأديه الخدمه العسكريه او الاعفاء منها (صوره شهادة التجنيد).
9- عدد 2 ملف بلاستيك.
ثالثا مصاريف الدبلومة :
ب 3060جنية.
رابعا الاقسام المطلوبة :
الدبلومه لطلبة كيمياء مزدوج (كيمياء حيوى, كيمياء/ميكرو , كيمياء/نبات , كيمياء/حيوان , كيمياء/حشرات) .
بتقبل لكيمياء اسبشيل.
فى بعض الاقسام زى كيمياء / فيزياء ممكن يتقبل بس هياخد مواد زياده عن مواد الدبلومه.
خامسا هل الدبلومه معتمده: معتمده ومعتمده يعنى معتمده من وزاره الصحه وتقدر تاخد الترخيص من غير قضيه.
سادسا التقدير المقبول: تقدير بيبقى على حسب العدد اللى مقدم وتقديرهم لكن غالبا بيبقى من جيد.
سابعا نظام الدراسة:
من جهة الشرح طلبة بتقول انها كويسه (لان الدكاتره بتشرح كويس جدا بعكس بعض الجامعات التانيه اللى مش بيهتموا بالشرح علشان محدش بيحضر) وطلبة بتقول انها صعبه (المواد كبيره وورق بالهبل ولازم حضور واللى بيشيل الماده ب 500 جنيه ويعتبر مفيهاش عملى وملهاش علاقه بالتحاليل خالص يعنى كأسم فقط) وطلبة بيقولوا حسب (لو كنت قسم بيو "وخصوصا المنصوره" يبقى سهله لكن لو اي قسم تانى هتبقى صعبه).
12 ماده على ترمين ولو مش قسم كيمياء هتاخد 3 مواد كمان
بيقال انها صعبه لكن فى رأى بعض الطلبه اللى اخدوها بيقولوا " ان زيها زى اى جامعه تانيه واللى بيشيل هو اللى دخل ومحلش حاجه فى الورقه لكن اللى ذاكر وحل اكيد نجح وممكن تكون الصعوبه من وجهة نظر بعض الناس بسبب الحضور اللى بيشددوا عليه الدكاتره"
ثامنا الحضور:
لازم حضور وسكاشن .
الحضور غالبا كالتالى : بينزلوا الجدول 4 أيام وانتوا بتضبطوا على 3 ايام مثلا
ملحوظه : حسب كلام بعض الطلبه من قسم ميكرو خاص اللى اخدوها الكلية ادتهم 3 مواد زياده "ب 700ج" 
يُعتبرُ علمُ الكيمياء واحداً من العلومِ الطبيعيّة التي استعملَها الإنسانُ وبحثَ فيها منذُ القدم، وقد كان لهذا العلم في القديم دورٌ كبيرٌ جداً في العديدِ من المجالات التي كانت تَمَسُّ حياةَ الإنسانِ بشكلٍ مباشرٍ وحيويٍّ، وفي يومنا هذا لا زالَ لعلم الكيمياء أهميّته العظيمة في التّقدّمِ الحضاريِّ للدّولِ المختلفةِ
هل دبلومه الكمياء بتقبل كليه الزراعه
ردحذفبعد اذنك ممكن اقدم ع دبلومة الكيمياء انا خريجة معهد صحى واخدت سنتين تخصصية والمسمى اخصائي تكنولوجيا المختبرات الطبيه
ردحذف