تكمله لسلسله "تجروبتى مع كليه العلوم" هحكى ليكم النهارده عن تجربه جديده لزميله لينا كتبها وهو فى سنه رابعه قسم فيزياء وهو حاليا معيد وكانت بعنوان "جالي في التنسيق كليه العلوم ............ أدخلها ولا لأ ؟" ... اتمنى تستفيدوا.
دلوقتي فتره ظهور التنسيق للثانويه العامه و بدأ كل واحد يعرف هو حيدخل أي كليه و كتير من الناس جالهم كليه العلوم ولأن كليتنا العزيزه ليس لها شعبه في الشارع المصري و محدش يعرف عنها حاجه و حتي كتير من الناس ميعرفش علوم دي بيتخرج منها الناس يشتغلوا أيه؟ وعلشان كده بيسأل كتير من الطلبه السؤال التالى "جالي في التنسيق كليه العلوم ............ أدخلها ولا لأ ؟ --- أكمل في علوم و لا لأ ؟" و بما أننا طلبه حاليين في كليه العلوم فعلينا توصيل صوره كليتنا للطلبه الجدد علشان يقدروا يحكموا جيدا و يكون قرارهم صائب سواء بالإستمرار في الكليه أو الخروج منها و البحث عن كليه أخري
أولا طلبه الثانويه العامه اللي داخلين كليتنا نوعين:
النوع الأول
داخل الكليه بمزاجه و بكامل رغبته يعني مع سبق الإصرار و الترصد (وعلي فكره أنا كنت من النوع ده من الطلبه اللي دخلوا علوم) بنقول لهذا النوع أهلا و سهلا بكم في الكليه نورتوها و نتمني أن تكونوا إضافه جيده للعلوم و البحث العلمي في مصر و أن يوفقكم الله في الكليه.
أما بقا النوع الثاني
اللي دخلوا الكليه غصب عنهم يعني شغل تنسيق و خلاص و مفيش قدامه غير العلوم سواء بقا كان علمي رياضه و ملحقش هندسه فدخل علوم أو كان علمي علوم و ملحقش أي كليه من المجموعه الطبيه و الصيدله فدخل علوم.
وهذا النوع من الطلبه أحب أن أوجه لهم الكلام التالي
1ــ أحب أخبركم أن كليه العلوم من أهم الكليات في العالم أجمع و أن العلم و التكنولوجيا و التقدم الرهيب في العالم كله في مختلف المجالات قائم عليه خريجي كليه العلوم و تعالي نشوف مع بعض التطور الملحوظ في الكمبيوترات و الموبايلات قائم عليه باحثين خريجي علوم و متخصصين في علم الإلكترونيات و الجوامد و هي فروع من علم الفيزياء وكذلك الثوره في البناء و التشييد في العالم قائم عليها خريجي علوم فالماده الأساسيه في البناء عالميا هي الأسمنت و هناك علم في الكيمياء يسمي كيمياء الأسمنت و التطور في هذا العلم تصحبه تطورات فظيعه في العمران وكذلك التطورات الجينيه العالميه قائم عليها خريجي كليه العلوم قسم البيولوجي وكذلك غزو الفضاء قائم عليه خريجي علوم قسم فيزياء الفضاء و غيرها من المجالات لو أردنا سردها لن يسعنا الوقت.
وكفاك فخرا بأنك في كليه تخرج منها أغلب العلماء زى أحمد زويل الذين غيروا وجه العالم و هذا ليس كلام مرسل ففي كتاب العظماء مائه أعظمهم محمد صلي الله عليه و سلم للكاتب الأمريكي و المترجب بواسطه أنيس منصور نجد من بين هؤلاء المائه ما لا يقل عن 38 من الذين تخرجوا أو درسوا في كليه العلوم ومنهم11 فيزيائي ولذلك فيجب أن تشعر بالفخر أنك إلتحقت بهذه الكليه العظيمه التي هي أساس بناء التطور و التقدم في أي دوله و في العالم أجمع و لما لا تكون من هؤلاء العظام الذين غيروا وجه العالم.
2ــ إن كنت شعرت بكسره و إحباط لإلتحاقك بالكليه فلابد أن تخرج من هذه الحاله سريعا حيث أن الخاسر الوحيد من هذه الحاله هو أنت حيث ستجد نفسك بعد نتيجه أول سنه ناجح بمقبول أو شايل مواد و بعد كده حتحاول تجتهد جدا علشان تحسن تقديرك الإجمالي عند النخرج و حتفوق من الصدمه بعد الثانويه العامه و لكن بعد فوات الأوان فلا تدخل في هذه التجربه القاسيه من البدايه و إبدأ عامك الدراسي الأول في الجامعه و أنت سعيد للإلتحاقك بالكليه و مستعد لبذل المجهود بها .
3- أوجه كلامي بعد ذلك لجميع الملتحقين بعلوم من كل نوع ... أول معلومه مغلوطه هتسمعوها عن الكليه إنها بتخرج مدرسين وده غلط خطير فالكليه المنوطه بتخريج مدرسين هي كليه التربه مش العلوم و إنما كليه العلوم لتخريج الباحثين والعلماء والكيميائيين ورواد الفضاء واخصائى التحاليل ... الخ مش المدرسين والمعلومه الثانيه اللي حتسمعها غلط عن الكليه إنها صعبه جدا جدا جدا و مش حتعرف تنجح فيها و متحلمش تجيب تقدير.
أنا طالب في الكليه في الفرقه الرابعه قسم فيزياء خاص و الحمد لله بأنجح بإمتياز ولله الحمد و كتير من الناس بينجحوا نجاح باهر و مستعد أقول لكم أسماء ناس لو عايزين و بيجيبوا تقديرات و ده دليل إن الكليه مش بهذا السوء و لكن هي كليه عمليه مثلها مثل باقي الكليات العمليه و يمكن أصعب شويه بس محتاجه حضور بإنتظام و بذل مجهود و لو عملت كده بأمر الله الكليه حتديلك و حتلاقيك بتنجح بتقديرات كويسه و لكن لو أهملت و إستهترت و محضرتش طول الترم و عايز تذاكر في اخر أسبوعين لازم تلاقي النتيجه غير مرضيه إلا من رحم ربي.
4- بقول لكل الطلبه الجدد لازم يحكموا عقلهم كويس في أي كلام يسمعوه من أي حد عن الكليه للأسباب التاليه:
يقول علماء علم النفس أن إنطباعات الأشخاص عن الشئ الواحد تختلف تبعا لتجاربهم الشخصيه فمثلا لو حدثك أحد الطلبه الذين تعثروا في الكليه أو واجهتهم مشاكل فيها فسيعكس لك صورة سيئة جدا عن الكلية قد تجعلك تكرهها إلي الأبد علي الرغم أن ما قاله لك ليست حقائق مجرده و لكنها مجرد وجهه نظرة من خلال تجربته ... و لو حدثك طالب اخر متفوق جدا و أول دفعته فسيجعلك متفائل جدا و قد يشعرك أن الكليه سهله جدا و أنك ستنجح و تتفوق فيها بأقل مجهود والإنطباعين خاطئين لأنهم ليسوا حقائق ولكنها رؤيه أشخاص وعليك بعقلك الناقد أن تستخلص الحقائق المجرده من كلام المتحدث إليك و تنقيها من رؤيته الشخصيه سواء كانت تفاؤل و سعاده أو تشاؤم و ضيق و تحكم علي الأشياء من خلال الحقائق المجرده فقط ونصيحه بقا علشان تدخل الكليه و تحبها لابد أن تكون بتحب العلم و عندك شغف بيه و حب إستطلاع علشان تبقا ناجح في الكليه ولأن كتير منك يحب يعرف أيه ظروف الكليه في سوق العمل يعني من الاخر لما هأدخل الكليه و أتخرج هأشتغل و لا لأ ؟
أحب أطمنكم جميعا مجالات شغل الكليه جيده جدا و لكن تبدأ الأبواب تتفتح أمامك للشغل لما يبقا تقديرك الإجمالي عند التخرج من الكليه جيد جدا عندها ستجد مجالات شغل كثيره إن شاء الله.
يشكر فريق الموقع صاحب التجربه دكتور حسام المسلمي
يُعتبرُ علمُ الكيمياء واحداً من العلومِ الطبيعيّة التي استعملَها الإنسانُ وبحثَ فيها منذُ القدم، وقد كان لهذا العلم في القديم دورٌ كبيرٌ جداً في العديدِ من المجالات التي كانت تَمَسُّ حياةَ الإنسانِ بشكلٍ مباشرٍ وحيويٍّ، وفي يومنا هذا لا زالَ لعلم الكيمياء أهميّته العظيمة في التّقدّمِ الحضاريِّ للدّولِ المختلفةِ
ليست هناك تعليقات:
إرسال تعليق