طبعا في اختلافات كتير بين اخصائى تحاليل والفنيين ... اكيد في اخصائى تحاليل يعتبر فني بجد و في فنيين أخصائيين مش بجد قوى .... اديهم تتلف في حرير .... طب اشمعنا نتكلم عن الاتنين دول بالذات ... تعال نفصصها بأسلوب علمي الأول.
اخصائى تحاليل :
دة شخص دخل كلية العلوم... قعد يدرس 4 سنين بكالريوس وبعدين سنه او سنتين دبلومات علشان يكون معلومات وخبرة كبيرة في كل حاجة في موضوع التحاليل .. مع العلم انة هيتخصص في حاجة واحدة بس و بعدها بيتدرب في مستشفى أو معمل كام سنة بيذاكر برضة و بيحضر مؤتمرات كتير جدا و بيقرا اخر الأبحاث العلمية في تخصصة لغاية مياخد خبرة و يبقى دكتور تحاليل مشهور.
الفني "حلاق" :
دة شخص بيتعلم من غير ما يقرا كتير .. بيشوف اللي قدامة و بيقلدة مش محتاج يقرا معلومات عن الميكروبيولوجى والحيوى والمناعه ... الخ
بيبقى فنى و معلم في مدة صغيرة جدا مش محتاج يتخصص في أي حاجة (( سحب و تحليل .... الخ )) مش محتاج يطور مهنته ... مش محتاج يحضر أبحاث و مؤتمرات عن مهنته .... بيطلع السرنجه و يسحب.
طب أية العلاقة بين الاتنين :
الاخصائى من غير علم فنى ...... و الفنى بالعلم يبقى اخصائى
الاخصائى بيشتغل و هو فاهم ... الفنى بيشتغل و بعدين يفهم ويتعلم.
في ناس كتير جدا بتشتغل بحث علمي بينط فجاة على خطوة التجربة ... عايز يجرب الفكرة علطول (( و دة فنى )) مش عايز يكون أي بنية معرفية او خلفية علمية و دة بيضيع وقت و مجهود كبير و في الأخر ماعندوش أي أساس علمي ... و مش بيتعلم حاجة
لكن في مرحلة مهمة جدا قبل التجربة و هي الخلفية العلمية (( و دة الاخصائى )) بيعرف كل حاجة صح و بيفهمها صح علشان يعمل التجربة بس لاثبات فرضية و دة بيوفر وقت و مجهود و بيتعلم حاجات كتير خلال بحثة
و نفس الاختلافات بين (( المهندس و الاسطى بلية )) , (( الجنايني و المهندس الزراعي )) , (( الصيدلي و العطار )) , (( الدكتور و الجزار )) وناس كتير جدا ممكن نقابلهم في حياتنا .....
دلوقتي .. انت مين فيهم ؟
يُعتبرُ علمُ الكيمياء واحداً من العلومِ الطبيعيّة التي استعملَها الإنسانُ وبحثَ فيها منذُ القدم، وقد كان لهذا العلم في القديم دورٌ كبيرٌ جداً في العديدِ من المجالات التي كانت تَمَسُّ حياةَ الإنسانِ بشكلٍ مباشرٍ وحيويٍّ، وفي يومنا هذا لا زالَ لعلم الكيمياء أهميّته العظيمة في التّقدّمِ الحضاريِّ للدّولِ المختلفةِ
ليست هناك تعليقات:
إرسال تعليق